“والدي ظهر عنده حبوب كده في منطقة الضهروالبطن ومعاها وجع شديد ولما كشف الدكتور قاله ده الحزام الناري ممكن اعرف بيجي من اي وعلاجه اي ؟”
كتير بنسمع عن حد كبير في السن جاله “الحزام الناري” وبيكون وجعه شديد جدا
فتعالوا نعرف اي هو الحزام الناري ده ولي وجعه شديد وإزاي ممكن نعالجه ؟
كتبت وفاء سليمان محمد 👇
“والدي ظهر عنده حبوب كده في منطقة الضهروالبطن ومعاها وجع شديد ولما كشف الدكتور قاله ده الحزام الناري ممكن اعرف بيجي من اي وعلاجه اي ؟” ، أول حاجة الحزام الناري عبارة عن عدوى فيروسية ومن اسمه بيظهر على شكل حزام من الطفح الجلدي في منطقة الجذع (البطن والضهر) أو مناطق تانية في الجسم وبيصيب كبار السن بشكل كبير…. اشمعنا ؟
خليني أقولك إن الحزام الناري بيجي نتيجة أن الشخص وهو طفل جاله الحماق أو الجدري ودي عدزى فيروسية ب فيروس “chiken box” وبيتعالج منه وبيخف تماما وكل حاجة بتكون راحت تماما
لكن بيكون في جزء من الفيروس هرب و راح للأعصاب وقعد السنين هناك لحد ما يظهر تاني في صورة الحزام الناري
هتقولي طب اشمعنا ظهر في الوقت ده بالذات ؟
طبيعية جسم الانسان بتضعف لما يتقدم في العمر وتبدأ المناعة تقل وده يكون أحسن وقت للفيروس الموجود في الأعصاب بقاله وقت كبير فبيبدأ ينشط تاني ويهاجم الجسم بشكل أقوى
طب لي قولنا إن وجعه بيكون شديد جدا ؟
زي ما قولنا الفيروس في الفترة اللي مش بيكون شغال فيها بيكون قاعد في الأعصاب ولما ينشط تاني بيشتغل في الأعصاب اللي هي مسئولة عن الاحساس بالوجع في جسمك يعمل حاجة اسمها “post herpetic neuralgia ”
وبعدها يبدأ يهاجم منها خلايا الجلد فيظهر الحزام الناري اللي في الصورة ده
طب إي هو علاج الحزام الناري وإي يساعدني أقلل الوجع ؟
استنى بوست جديد هنتكلم في مع بعض على علاج الحزام الناري
#دمتم_سالمين #من_إستفساراتكم
